أخبار الدوري | وائل القباني: محمد الشناوي لم يتصدى لأي فرصة خطرة أمام السنغال.. كلها حاجات سهلة وتتشال
يرى وائل القباني مدافع نادي الزمالك السابق أن محمد الشناوي حارس مرمى منتخب مصر لم يتصدى لأي كرة صعبة في مباراة مصر والسنغال أمس الثلاثاء.
وقال وائل القباني في تصريحات لبرنامج الماتش أمس عقب اللقاء “فريق السنغال ضيع كرتين مينفعش يضيعوا في المباراة، واحدة في الـ ٦ ياردة كان الجول فاضي وهو لو حطها في زاويته تدخل، لكن هو حطها في الشناوي“.
وتابع “هو الي حطها في الشناوي مش الشناوي الي شالها، علشان الناس بتضايق وبتقول بنقلل، الشناوي شال كورتين في المتناول“.
وواصل وائل القباني تصريحاته “محمد الشناوي حارس كويس ورقم ١، لكن متصداش لحاجة صعبة في مباراة السنغال، انا بتكلم كورة، الكور الي شالها مش صعبة“.
مضيفًا “انا بتاع كورة وعارف، الي في نص المرمى بالرأس دي تتشال عادي، انت حارس كويس وطبيعي تشيل الكور دي“.
واختتم القباني تصريحاته “الفارق بين لاعب منتخب ولاعب عادي انك لما تقف جول طبيعي تجيب تشيل أي حاجة، وتشيل الصعب والنهاردة انت مشيلتش حاجة صعبة“.
إقرأ أيضاً في أخبار الدوري :
